آج کی پنجابی شاعری
میڈے ساہواں دا سائیں سُنڑدا پئیں
میڈی ہر تکلیف دا مُنڈھ تُوں ایں
…………
تینوں دسیا نہ ساڈے کچے گھر ہن
تیتھوں کدنڑ اوقات لکائی آ
تے ساتھے بالکل محض غریبی ہئی
تینوں پہلوں گل سمجھائی آ
تےتوئیں آپ ہن سنگت دےمڈھ جوڑے
نالے بھج کے قسم وی بائی آ
آج غربت ویکھ کے کیوں پیا ہٹدائیں
بندا بنڑ ہنڑ نال نبھائی آ
…………
ہک واری چن اعتبار تا کر
وت بے شک یار ونجا چھوڑیں
تیری ہر گل تے آمین ہو سی
بھاویں جو کجھ وی فرما چھوڑیں
ہے ہر کوئی بندا مطلب دا
ذرا سوچ کے یار بنا چھوڑیں
کوئی میتھوں ودھ کے پیار کرے
وت بے شک یار بھلا چھوڑیں
………..
تُوں حکم تاں کر رُوح نچ پؤسی
جیویں نچنڑ دا ہوندا اے ڈھنگ نچسی
ہر تھاں تے تن دا رقص ہوسی
بانھ بانھ نچسی، ونگ ونگ نچسی
جیہڑا رنگ آکھیں اوہ رنگ نچسی
بے رنگ آکھیں بے رنگ نچسی
بھانویں شاکر آکھ انگاریاں تے
لُوں لُوں نچسی انگ انگ نچسی
……….
ﮨﺘﮫ ﭘﮑﮍ ﻃﺒﯿﺒﺎ ﻣﺮﺽ ﻧﮧ ﭘﭽﮫ
ﻧﮧ ﻋﺮﻕ ﭘﻼ ﻣﯿﻨﻮﮞ ﮐﺞ ﻭﯼ نئی
ﻧﮧ ﮐﺮ ﺑﺮﺑﺎﺩ ﺩﻭﺍﺋﯿﺎﮞ ﻧﻮﮞ
ﻧﮧ ﭨﯿﮑﮯ ﻻ ﻣﯿﻨﻮﮞ ﮐﺞ ﻭﯼ نئی
ﻣﯿﮟ ﻋﺸﻖ ﺩﮮ ﻭﭺ ﺑﯿﻤﺎﺭ پئیا
ﻧﮧ ﺷﻮﺭ ﻣﭽﺎ ﻣﯿﻨﻮﮞ ﮐﺞ ﻭﯼ نئی
ﺟﮯ ﻣﺮﺽ ﻣﯿﺮے ﺗﻮﮞ ﭘﭽﮭﺪﺍ ﺍﯾﮟ
ﻣﯿﻨﻮﮞ ﯾﺎﺭ ﻣﻼ ﻣﯿﻨﻮﮞ ﮐﺞ ﻭﯼ نئی
………..
ساڈی اکھ غستان دی چاندڑیں ھے
ساڈا چہرہ کتبہ قبریں دا
ساکوں زندگی زیر دے زہر پلائے
او فائدہ چا گئے زبریں دا
ساڈی دل ، دلگیر ، فقیر کڈاہئیں
اظہار نئیں کیتا ، جبریں دا
لب سی کہ درد پی گئے ہیں
اندازہ لا ساڈے صبریں دا