میکوں ڈکھ ہے پنجابی شاعری
میکوں ڈکھ ہے جو تیڈے رستے تے
لوگ جُـتی دے نال ٹردے ہن
…………
ظَاہر عبادت وَکھری ہوندی
عِشق مُصلِّے وَکھرے نیں
ہوشاں والے وَکھرے ہوندے
عاشق جَھلے وَکھرے نیں
مَتھے تِلک مہراباں دی
وَکھری جئی اے گل یارو
مالا گُھنگرو وَکھرا دکھ اے
چَھاپاں چَھلے وَکھرے نیں
دِل دی دنیا وَکھری ہوندی
دنیا دی اے دنیا وَکھری
مُلاں پَنڈت وَکھرے ہوندے
باھو بُلھّے وَکھرے نیں
فَرض فریضے نفل نمازاں
عِلم کِتاباں وَکھرے نیں
دِل دی حَسرت مَنت مُراداں
عِشق دے چِلّے وَکھرے نیں
دنیا دی اے پوجا روٹی
کھو کھو کھاون دوجے تو
فَقراں دا سب من و سلویٰ
لنگر چُلہّے وَکھرے نیں
دنیا داری وکھرا فن اے
کھیڈن سارے لوکی اے
عشق دے روگی ” اخترٓ” کلے
وِچ وَچلّے وَکھرے نیں
…………
رات چنگی تاں ہئی
رات ولیی تاں نئیں
توں جو چُپ کر گئیں
چُپ تسلی تاں نئیں..
…………
میکوں ڈکھ ہے پنجابی شاعری
اساں تسے ہیں اساں بُکھے ہیں
سچ پُچھیں تاں بہوں ڈکھے ہیں
ساڈی سکھڑیں پُھوت ہے دنیا تے
تیکوں کئیں آکھیےاساں سُکھے ہیں
…………
عید آئی میرا یار نئیں آیا
رَبا خیر ھوئے اوھدے دَم دی
یاراں والیاں نیندراں نہ آون
اَساں رات گُزاری غم دی
ھار , شنگھار نہ چنگے لگدے
کسے شے تے ، نظر نئیں جَمدی
سُکھاں والے سوون نال سُکھاں دے
تے میں رات گزاراں غم دی
یار فریدا میرا یار مِلا دے
سانوں عید کِسے نہ کم دِی
خواجہ غلام فرید